عمركم سولتو ريوسكم واش كاين شي مواقع أو منتديات ممنوع الدخول ليها و السبب أنه كل ما فيها غير قانوني أو غريب بشكل مرعب؟؟ عمركم سولتو ريوسكم واش كاين شي مكان في الإنترنت يستحيل أنه شي واحد يوصلك فيه؟؟..
الأسئلة عديدة و الجواب واحد.. طورTOR.. هاد البرنامج اللي بمجرد دخولك ليه كا تختفي من خريطة الإنترنت و كا تولي مجهول بشكل يستحيل أنك تعرف من أنت أو أين توجد.
بشويا بشويا حتا نفهم أشنو هو بعدا و أشنو كاين فيه (المحتويات).
طور TOR هو متصفح بحال Google Chrome و كان مشروع عسكري أمريكي اللي نقدرو نقولو عليه فاشل.
أمريكا بنات هاد المحرك على أساس أغراض سياسية و عسكرية و مستحيل يقدر شي واحد يتجسس عليه و لكن هاذ المحرك و بشكل غريب قدرو أنهم يسربوه للكل و هنا كانت الكارثة, من مشروع حكومي حتا ولا ديب ويب Deep Web و دارك ويب Dark Web, دبا أي واحد يقدر يدخل ليه و يدير فيه ما بغا و تا شي واحد ما يقدر يعرف شكون و فين...
أجيو نشوفو كيفاش كا يخدم و علاش تا واحد ما يقدر يلقاك.. حتى كبار الحكومات العالمة و أخطر الهاكرز ما يقدروش يعرفوك..
أول ما كا تإنسطالي هاد البرنامج فحاسوبك كا يقوم مباشرة بقطع الإتصال مع البروكسي و كا يغير الإيبي ديالكIP.. و كا يعطيك واحد جديد و ماشي غير IP واحد و لكن كل شوية كا يبدلو.. هادشي اللي كا يخلي الحكومات ما يعرفوكش.. لأنه مرة كا تطلع ليهم نتا فإيطاليا و واحد الشويا كا تولي فالفلبيين, الأرجنتين, أمريكا, اليونان.... كل مرة فدولة على حسسب الIP اللي جا فيك..
و دبا أجي نشوفو الناس اللي تعطاتهم الفرصة باش يتخباو عن الأنظار اشنو قدرو يستعملو بيه..
هادي لائحة بالأشياء اللي ممكن تلقاوهم فهاد المتصفح و ذلك من خلال زيارة مواقع أو منتديات, كاين فيهم اللي مفتوحة للعموم و كاين اللي ما يمكنش تدخل إلى بدعوة من الداخل لحساسيية المحتويات.
اللائحة كالتالي:
-تجارالمخدرات
-الهاكرز
-تجار الأسلحة
-مزوري الوتائق (جوازات سفر, رخص سياقة, بطاقات هوية...)
-المافيات, و الإجتماعات ديالهم.
-مواقع إباحية (أغلبهم ديال البيدوفيليا و كاين بعض الأنواع أخطر)
-الغرف الحمراء RED ROOMS (مختصة بكل ما هو مرعب من قصص للقطات حقيقية)
-قتلة متسلسلين (الا كنتي باغي فشي واحد الخدمة و بغيتي تقتلو تقدر تلقا اللي يقدي ليك الغرد بثمن محدد).
-تجار العبيد.
-تجار الأعضاء البشرية.
-مواقع مختصة بالتسريبات.
و العديد من المواقع الأخرى اللي غادي يخصني كتاب باش ندكرها كاملا.
دبا أجي نهضرو على أشهر ما كاين فهاد المتصفح و اللي هوما مواقع المخدرات و أشهرهم Silkroad.
هاد الموقع مغلق حاليا حيت شدو مولاه و لكن هادشي ما كا يعنيش بأنه كاين منو نسخة تانية و ثالثة و العديد. الSilkroad قدر أنه يقوم بإستتمار يقدر بأكثر من بليون دولار فظرف 3 سنوات نظرا للشعبية ديالو و سهولة إستخدامو و الأكثر من ذلك داكشي كا يوقع فالخفاء, تا واحد ما عارف شكون البزناس ولا شكون الشاري, و العملة ديالو هي البيتكوين اللي حتا هي نفس الشيئ عملة مشفرة ما معروفش مولاها شكون, بالنسبة للمخدرات كل ما لذ و طاب كاين هنا و حتا الحشيش ديالنا موجود و على الجهد, كاين اللي ستوردو من المغرب لأمريكا ولى السويد باش يبيعو فهاد الموقع.
أجي دبا نهضرو على بعض المواقع اللي أكثر خطرا من الSilkroad كاين العديد ديال المواقع الإيباحية و خاصة البيدوفيليا, و غير البيدوفيليا بوحدها كاين ما يفوق 100الف واحد اللي داخل ليهم و عاد كاين مواقع الإجرام اللي كا تلقا فيها أشد أنواع التعديب و القتل و ممكن يكون داكشي مباشرة و بعض المرات بطلب منك, أي أنك تخلص و يشدو هوما شي واحد و يعدبوه و علاش لا يقتلوه بالطريقة اللي قلتي, مؤخرا قريت على واحد البنت من كيمبوديا واقيلا قاطعين ليها رجلها و كا يتسناو شكون يخلص باش يقتلوها. و عاد زيد تجار العبيد, ااه 2016 و باقين العبيد و تقدر دابا تدخل و تخلص و يوصلك عبد من وسط إفريقيا حتال باب الدار, و هاد الطريقة كا يستعملوها بزاف ديال الناس كا يشريو بشر مقطوعين ليهم إيديهم و رجليهم و كا يستغلوهم كقطع جنسية و يمارسو فيهم شتا أنواع التعديب و الإغتصاب بالطريقة اللي بغاو..
الحاصول هاد العالم خايب بزاف و الديب ويب أسوأ... و كيف ما قال ليا واحد الأخ هاد المكان اللي دخل ليه ما عمرو ما يبقا يخرج بسبب المشاهد اللي ممكن يشوف و كخاتمة و نصيحة بعدو قدر الإمكان على هاد العجب را أسوأ منو ما كاين و حتا إلى ما بغيتوش تشوفو داكشي را بمجرد الدخول كا توليو لقمة سهلة للهاكرز اللي غير كا يتساراو تما و حاطين الصنارة باش يصيدو شي ضحية جديدة و يطلعو منو اللي يطلع
0 التعليقات: